વાર્તા નં ૫
નમસ્તે બાળકો,
મંગળવારની સુંદર સવાર ને ઉનાળાની રજાઓ મજા આવે છે ને...? રજા પડે કે
તરત જ તમે કેવા ખુશ ખુશ થઈ જાવ,
તેવી જ રીતે એકવાર બકા જમાદાર પણ
રજા ની મજા માણવાના સપના જોઈ રહ્યા.
વાર્તા ન:૫
બાળકોને રજા પડે એટલે તેઓ એ નક્કી
કર્યુ કે આ વખતે તેમને સરસ મજાની જાત્રા
કરાવી આવું .પૈસાની સગવડનો કરવી જ
રહી ,નોકરીમાં રજાઓ મૂકવી રહી,તમને
ખબર છે આપણે માતા પિતા પાસે ઘણીવાર
ધણી માગણીઓ કરીએ પણ એની વ્યવસ્થા
કરવા તેઓ ખૂબ જ મહેનત કરતા હોય છે!
બસ બધા ઘરમાં ખુશ હતા તૈયારીઓ જ
ચાલુ થઈ ગઈ હતી.જેમ જેમ જવાનો દિવસ
નજીક આવ્યો તેમ તેમ બકેસર તો વધુ ને વધુ
મિત્રો ને કહેવા લાગ્યો કે તે આમ કરશે ને તેમ કરશે...!
જવાના બે દિવસ આગળ બકાજમાદારના
પાડોશી બકરેશ્વર ને ત્યાં રાત્રીના બાળકોનો
રડવાનો અવાજ સંભળાયો.બાળકો જો કોઈ
હસતું હોય તો ઠીક પણ રડતું હોય તો જરૂર
એને પૂછો. જગત મા નાના મોટા કેટલાય દુખ
લોકોને હોય છે. બકેસર ના તો તે મિત્રો થતા હતા.બકેસર ને બકાજમાદારે તેઓનો દરવાજો
ખખડાવ્યો પૂછ્યું ,”કેમ રડો છો? તો ખબર પડી કે બાળકો બે દિવસ થી ભૂખ્યા છે. તેમની
માતા બિમાર પડી છે ને પિતા તેને દવાખાને લઈ ગયા છે ને કદાચ શહેર થી તેઓ ક્યારે
આવશે ખબર નથી.બકાજમાદાર ને ચિંતા
થઈ ગઈ.બાળકો કહેવત છે કે પહેલો સગો
પાડોશી.આજ કાલ તો પાડોશ માં શુ થાય છે
એ ખબર જ ન પડે.પણ એવું ન કરવું આટલુ
જરૂર શીખજો .
બકાજમાદારતો ઉપડ્યા શહેર તપાસ
કરી તો ખબર પડીકે અહીં તો હજુ એમને દસ બાર દિવસ નીકળી જશે .બસ એમણે તો નક્કી કર્યુ ને આવ્યા ઘરે,ઘર માં વાત કરી ને
બધાને મત પૂછ્યો બોલો પાડોશી તકલીફ માં
છે તો આપણે શું કરવું ? તેમના પત્ની ને બકેસરે કહ્યુ આપણે જરૂર મદદ કરવી રહી.
પછી જાત્રા એ ફરવાનું શું?હવે બકેસર નો મત
જુઓ એણે કહ્યુ ફરવા ફરી જઈશું,પણ આપણે બકેશ્વરકાકા ને મદદરૂપ થવું જોઈએ.
તેમની બધી બચત પાડોશીને આપી ,છોકરાંને
પોતાને ઘરે લઈ આવ્યા ને બકાજોરદાર શહેર
જઈ તેમની રજાઓ પણ પાડોશીની સેવામાં
વાપરી નાંખી.
આમ પહેલું કાર્ય માનવતાનું કરી બાળકો
બકાજમાદારને તેમના કુટુંબે મોટી પ્રભુની
જાત્રા પૂરી કરી.માટે બાળકો સૌથી ઉત્તમ ઘર્મ
“માનવતા” પછી બીજો.એ ધ્યાનમાં રાખજોને
બકાજમાદાર ને બકેસર જેવા બનજો. બનશોને..? જરૂર શીખજો ને બીજાને આ વાત
કહી શીખવાડજો. જરૂર આનંદ મેળવશો.
આવજો ફરી આવતા મંગળવારે મળીશું
તમારી મિત્ર શ્રી.
જયશ્રી.પટેલ
૧૫/૫/૧૮
