પદ્ચિહ્ન હો તારા ને હો પ્રેમ કેરી ડગર,
એ જ મારો આશરો ને એ જ મારુ ઘર,

નામ રૂપે છો સદાયે તુ જ મારી સાથે,
શેનો મુજને ભય હો ને શેનો મુજને ડર?

શોધવાનું છોડ્યુ તુજને આ જગતની માંહે,
તુ જ છો આ જગતમાં ને તુ જ મારી અંદર,

મીરાના પ્યાલામાં હો કે સમદરમાં હો વિષ,
તુ જ છે પીનારો કૃષ્ણ, તુ જ છે શંકર.

આ જગતનો છેડો તો બસ એટલે જડતો નથી,
તું જ એમાં છે પ્રથમ ને તું જ છે આખર.

વર્ણવવી તારી આભાને દુષ્કર મારે કાજે,
તુજ અનંતની સામે હું "રાધે" જીવ પામર.

- કૃષ્ણાંશ રાધે
#કાવ્યોત્સવ

Gujarati Poem by Krishnansh Radhe : 111166134

The best sellers write on Matrubharti, do you?

Start Writing Now