જંગલ લખું,પર્વત લખું,ખળખળ લખું છું જળ વિશે;
દ્રશ્યો  અધૂરાં છે હજું ? તો લખ  હવે  સાગર  વિશે.

બારી  લખું, બારણ  લખું,  ડેલી   ને  દિવારો   લખું;
આવાસનું  ઘટતર  ઘટે ? તો  લખ  હવે  દાદર વિશે.

કૂવો  લખું, પનઘટ  લખું,  હાંડો  ને  પનિહારી  લખું;
પાદર  અધૂરું  છે  હજું ? તો લખ હવે ગાગર  વિશે.

કંગન  લખું, કાજલ લખું, સાડીનો  એ પાલવ  લખું;
નારી અધૂરી  છે  હજું ? તો  લખ હવે ઝાંઝર  વિશે.

ઝાલર  લખું, ઢોલક  લખું,સાખી-નગારું  પણ  લખું;
ચોરો  અઘૂરો છે  હજું ? તો લખ  હવે  ઠાકર  વિશે.

-અશોક વાવડીયા
છંદ=રજઝ પૂર્ણ બહર નો ૨૮ માત્રા
ગુજરાતી શબ્દો
ગાગાલગા ગાગાલગા ગાગાલગા ગાગાલગા
અરબી શબ્દો
મુસ્તફઈલુન મુસ્તફઈલુન મુસ્તફઈલુન મુસ્તફઈલુન

Gujarati Poem by Ashok Vavadiya : 111165230

The best sellers write on Matrubharti, do you?

Start Writing Now