#KAVYOTSAV -2

હૃદયથી લખેલું કવન યાદ આવે,
નિહાળ્યું 'તું મેં એ ચમન યાદ આવે.

મને યાદ બીજું ન આવે કશુંયે,
મને ફક્ત એનું વદન યાદ આવે.

અને જે નયનથી થયો 'તો હું ઘાયલ,
હજી પણ એ કાતિલ નયન યાદ આવે.

ને જે સાંભળી ખીલી ઊઠ્યું'તું જીવન,
હમેશાં મને એ કથન યાદ આવે.

હ્રદય દ્વાર જ્યારે હું ખોલું છું ત્યારે,
મને ચોતરફ સૌ અમન યાદ આવે.

ખરી શાંતિ હું શોધવા જાઉં ત્યારે,
મને માત્ર મારું ભવન યાદ આવે.

-ઉમેશ તામસે 'ધબકાર',
વ્યારા (તાપી)

Gujarati Poem by Umesh Tamse : 111161465

The best sellers write on Matrubharti, do you?

Start Writing Now