જ્યારે મને લખવાનું મન થાય છે ત્યારે ..

અધૂરા સ્વપ્નોના ઓવારણાં લેવાય છે
કૈંક અધૂરી ઈચ્છાઓ હૈયે ધબકાય છે

મૌનનાં સૂનકારમાં શબ્દ શંખ રણકાય છે
અતિતનાં ઓરડેથી ઉંહકાર સંભળાય છે

ભિતરનો ખાલીપો કલમમાં રે છલકાય છે
કૈંક નિરાશાઓમાં આશા એક દેખાય છે

નજર સમક્ષ અતિત દ્રશ્યમય ડોકાય છે
છૂટ્યું જે પાછળ પીછો કરતું જણાય છે

શબ્દોનો સાગર આપોઆપ છલકાય છે
કવિતા લખવા “આસક્ત” થઈ જવાય છે

Gujarati Thought by MAYUR ANUVADIA : 111160664

The best sellers write on Matrubharti, do you?

Start Writing Now