#KAVYOTSAV -2

મૂંઝવણ

સાગર આજે મૂંઝાય,
શું કરે તે ન સમજાય
સરિતા આપે હંમેશ,
તોય ક્યારેય ન માંગે લેશ
ખુદ પાસે છે અગાધ,
છતાં ન પાડે 'ના' કોઈવાર
વિચારે લાવ કશું આપે તેને,
પણ દિ ન મળે સિંધુને
સરિતા સમજી સાગરનો સંતાપ,
કહે શાને ચિંતો છો આપ
તમારી હૂંફ મળે છે જ મને,
માટે તો 'વહુ' આ જગત મધ્યે
લોક કહે તમને 'ખારા',
તે ક્યાં સમજે પાલનહારા
આભ તો અહીં અગન વરસે,
તેને તું જ તો ટાઢક આપે
ગગન વરસે ગાગર જેટલો,
તોય પૂજાય સાગર જેટલો
સરિતા અર્પે તારુ જ વારિ,
જોડે જીવાડે જીવન અહીં
ઊંચા માથાને કશું ન મળે,
નમ્રને તો સહુ કોઈ મળે
સંતૃપ્ત થયો છે આજે સિંધુ
કહે મને સમજે કોઈ મારાથી વધુ
આનંદ પ્રસર્યો ક્ષિતિજ પાર,
અંતર વરસે અનરાધાર...

કુણાલ ચૌહાણ 'કમળ'

Gujarati Poem by Kunalsinh Chauhan Kamal : 111159943

The best sellers write on Matrubharti, do you?

Start Writing Now