#KAVYOTSAV -2
હાલ સખી ડુંગરે ફરવા જઈએ
આડા અવળા રસ્તા ટાળતા જઈએ
આમતેમ નજર ઝૂકાવતા જઈએ
પગવાટને ખુંદતા જઈએ
ઝાડ, ઝાંખરાને મળતા જઈએ
હાલતા પડછાયાને જોતા જઈએ
હાલ સખી ડુંગરે ફરવા જઈએ
હાથમાં હાથ ઝાલતા જઈએ
એકબીજાને સહારો દેતા જઈએ
શ્વાસોની ગંધ વેરતા જઈએ
ફુલ, ફળના સ્વાદ માણતા જઈએ
મીઠું ઝરણું કંઠે પીતા જઈએ
હાલ સખી ડુંગરે ફરવા જઈએ
લાકડાનો ભારો બાંધતાં જઈએ
બળતણનું ઈંધણ લેતા જઈએ
આભને થોડુક છલકાવતા જઈએ
ફરી વનમાં આવવાની પગદંડી
વારંવાર દોરતા જઈએ
હાલ સખી ડુંગરે ફરવા જઈએ
-- શેખર ખરાડી ઈડરિયા
