❛અશ્રુની ભાષા કદી વંચાય શું ?
સુખનું કે દુ:ખનું કદી પરખાય શું ?

આંખમાં ઢાંક્યું કશું ઢંકાય ના,
લાગણી રોકી કદી રોકાય શું ?

હોય કે ના હોય એ; પણ હો તડપ,
આ હ્રદયને પ્રેમનો પર્યાય શું !

આભમાં ઊંચે ભલેને એ ઊડે,
એક રજથી સૂર્ય લગ પ્હોંચાય શું ?

સ્વપ્ન તૂટ્યાનો કદી ના શોર થ્યો,
દિલ તૂટે તો ચીસ પણ નંખાય શું !

સુખ વધે છે વ્હેંચવાથી સાચુ છે,
દુ:ખ બજારે કોઈ દી વેચાય શું ?

હોય મુંઝારો છતાં જીવે બધા,
જીવવાનુ એટલે છોડાય શું ?❜

Gujarati Poem by Taran_Goswami : 111159215

The best sellers write on Matrubharti, do you?

Start Writing Now