#KAVYOTSAV -2

*વાસણો મોટા થઈ ગયા છે*

ઘરનાં વાસણો મોટા થઈ ગયા છે.

મોટો થઈ ગયો છે ડોયો દાળનો ને ભાતિયું ભાતનું;
મોટું થઈ ગયું છે વળી લોયું શાકનું.

મોટી થઈ ગઈ છે કથરોટ ને ગરવું રોટલીનું;
મોટું થઈ ગયું છે વળી પ્રેશર કૂકર.

મોટો થઈ ગયો છે લોટો પાણીનો ને માટલું પણ;
મોટું તો ઘણું થતું હોય છે, સમજાય છે આટલું બસ.

ઘરનાં વાસણો મોટાં થઈ ગયા છે..?

કદાચ...!

ઘરનાં માણસો ઓછાં થઈ ગયા છે.

- ધવલ 'રસ'

Gujarati Poem by Dhaval Kachhia : 111158733

The best sellers write on Matrubharti, do you?

Start Writing Now