જેમ આવે છે નવી, જૂની બહારો જાય છે;
એક પછી એક આમ વાસંતી સવારો જાય છે.

છે અચળ,રોચક,અકળ રહસ્યો ભર્યા છે ભીતરે;
આ ધરા પરથી અલૌકિક કૈંક નજારો જાય છે.

કાળજી લીધી હતી જોખમ ઉઠાવી જીવની,
ઠાઠડી પર શબ મુકી જીવ બેસહારો જાય છે.

પોતપોતાની બધી તાકાત પર નિર્ભર રહે,
એકને મળશે તો બીજાનો ઈજારો જાય છે.

કોઈને દેખાય પંખી, કોઈને ખાલી નયન;
કોઈ લક્ષ પર, કોઈના ખાલી પ્રહારો જાય છે.

-અશોક વાવડીયા

છંદ=રમલ મહફૂઝ બહર નો ૨૬ માત્રા
ગુજરાતી શબ્દો
ગાલગાગા ગાલગાગા ગાલગાગા ગાલગા
અરબી શબ્દો
ફાઈલાતુન ફાઈલાતુન ફાઈલાતુન ફાઈલુન

Gujarati Blog by Ashok Vavadiya : 111142686

The best sellers write on Matrubharti, do you?

Start Writing Now