વિચાર
મગજ માં તે વિચારો નું કારખાનું સ્થાપ્યું ?
પ્રભુ તારી લીલા પર હું વિસ્મિત !
એકધાર્યા બસ ચાલ્યા કરે, કંઈ જૂના ને કંઇ નવા
તારી જાદુગરી થી હું થાઉં ચકિત !
દિવસરાત વગર આરામ , ચાલતું એ ધમધમાટ
છપાતા વિચારો અવિરત,સારા કે ખોટા લાગલગાટ !
પાણી માં કુદે દેડકાં , એમ ફુરસદ મળ્યે ફટાક કૂદતાં
વળી ઘણી વાર મન માં ને મનમાં અંદર અંદર લડતાં !
કારખાના માં કુસ્તી હોય કદી ?થાકી જવાય છે,
વિચારો ને મરાતો હોત બૂચ તો સારું, પાકી જવાય છે !
જોઈતો હોય મને સંપૂર્ણ આરામ , તો સ્વીચ કઈ દાબું ?
કે પછી આટલા વિચારો સહેવા મગજ એક બે બીજા માંગુ
?
