દર્દમાં પણ જીવતા ફાવી ગયું છે,
સુખની ચાવી કોઈ તો આપી ગયું છે.

જિંદગીના રાજ સૌ જાણી ગયું છે,
મારી ભીતર કોઇ તો ઝાંખી ગયું છે.

જિંદગીભર ચીતરો સમજણના ચિત્રો,
આમ આ દિલ મારું સમજાવી ગયું છે.

સ્વર્ગ કરતા પણ ઘણું સુંદર છે જીવન,
ભાગ્ય મારું કોણ આ છાપી ગયું છે!

એનાં લીધે જીવે છે 'ધબકાર' આજે,
ભીતરે જે દીપ પ્રગટાવી ગયું છે.

-ઉમેશ તામસે 'ધબકાર',
વ્યારા (તાપી)

Gujarati Shayri by Umesh Tamse : 111071282

The best sellers write on Matrubharti, do you?

Start Writing Now