પ્રેમના પટાંગણમાં પણ ક્યારેક પગ મુકી મ્હાલી આવ,
સઘળુ ત્યાગી ભલે દે ત્યા ને માત્ર તુ જ ચાલી આવ...
ખજાનો અઢળકેય હેતનો, ભરેલ અહીં મુજ અંતરે,
નિરાશા- નારાજગી ત્યાગી, એમ જ અહીં ખાલી આવ...
આમ અબોલડે તો હવે, ક્યાં સુધી જીવ્યા કરવાનું,
એકવાર ફરી તું પાછી, વિસરેલું બધું ભૂલી આવ...
ઓચિંતું જ હવે તો મિલન થઇ જાય ક્યાંક,
સમય મળે જો સજવાનો, બની મારી વ્હાલી આવ...
સાકાર કરીશ હર કોશિશે, સપનાઓ તારા એ હજાર,
શમણાઓનુયે બેફીકર થઈ બાવડુ ફરી ઝાલી આવ...
