તું જ તારણહાર છે....!!!!!





આખરે તો તું જ એ આખી કથાનો સાર છે,*


જીત છે તું હાર પણ, ને તું જ તારણહાર છે.





ભેદ સઘળા મેં બનાવ્યા આ જગતમાં ધર્મના,


શ્લોક તું, આયાત તું, ને તું જ તો નવકાર છે.





તું છે જડમાં, જીવમાં તું, તું કણેકણ વ્યાપ્ત છે,


તેજ તું, અંધાર તું, ને તું જ પાલનહાર છે.





તું સમય છે, તું પવન છે, તું જ પાણી છે અહીં,


તું જ છે આકારમાં, ને તું જ નિરાકાર છે.





તું છે પાલક, તું છે ચાલક, તું જ વિનાશક બને,


થઈ અણુ વિસ્તારવાને તું સદા તૈયાર છે.





યાર તું છે, પ્યાર તું છે,તું જ છે પરવરદિગાર,


તે છતાંયે કે ઘણો બેકાર, બેદરકાર છે.





– અશોક વાવડીયા

Gujarati Blog by Ashok Vavadiya : 111070135

The best sellers write on Matrubharti, do you?

Start Writing Now