શ્રીમંતો સામંતો આગેવાન થયા
સંતો અને મહંતો ના સન્માન થયા
નિમ્ન ગણ્યા જેને એ ગરીબો રહ્યા
રાજા ઓ હતા ઇ ભગવાન થયા
રામ હતાં મહારાજ અયોધ્યા ના
ભકત રંક શબરી ને હનુમાન થયા
માધવ બન્યા મહારાજ દ્વારકા ના
ગરીબ સુદામા એના મહેમાન થયાં
ગૌતમ રાજા થયા એ ઇશ્વર થયાં
શિષ્યો એના સૌ એકસમાન થયા
સિધ્ધાર્થ રાજકુમાર મહાવીર થયા
દિગંબર ભકતો ના પરિધાન થયાં
ભૂખ ભીખ ભય ભકતો ને મુબારક
પરમાત્મા કાજ તો પકવાન થયાં
નિર્ધન રહ્યા એ સદા ગુલામ થયા
અમીર પુજાય માલિક મહાન થયાં
અદાણી અંબાણી આજે ગોડ છે
શ્રમિક ભક્ત માટે એ વરદાન થયા
---------
