શબ્દોની વચ્ચે કોઈ સંબંધો જ ક્યાં હતાં !
ધસમસતાં પૂર રોકવા બંધો જ ક્યાં હતાં !

ચોપાસ ચક્ષુદાનને માટે પડાપડી
આ શહેરમાં પરંતુ લ્યો, અંધો જ ક્યાં હતા !

લોખંડથી લદાયેલી ગુજરી બજારમાં
પારસમણીના કોઈ પ્રબંધો જ ક્યાં હતા !

ગ્રંથાલયોનાં થોકબંધ પુસ્તકોમાં પણ
તારા વિશેના કોઈ નિબંધો જ ક્યાં હતા !

ઘરમાંથી કોઈ મુજને ઉઠાવી શક્યું નહીં,
મૈયતમાં આવનારને સ્કંધો જ ક્યાં હતા !

– હરકિસન જોષી

Gujarati Shayri by Mahi Surati : 111062807

The best sellers write on Matrubharti, do you?

Start Writing Now