જોયા કરતા અમે એમને કે, કેમ જોયા કરે છે એ અમને.
વિચારતા રહેતાં એ, કેમ જોતા નથી અમે એમને ?
ભૂલવા તો નહોતાં એમને પણ, યાદ'ય કયાં કરવા હતા એમને;
એવું શું છે અમારામાં ? - પૂછતાં અમે એમને,
એવું શું નથી તમારામાં ! - કહેતા એ અમને;
ઓળખી ન શક્યા અમે એમને પણ,
ઓળખાણ આપવી હતી એમણે અમને;
કશુંય ન કહી શક્યાં અમે એમને,
કદાચ વાંચી લીધા હોત એમણે અમને;
લખી મોકલ્યા હોત શબ્દો અમારા એમને,
જો સરનામું દીધું હોત એમણે અમને.
-- રામ ભરવાડ
