તને માણવાની એક પળ શોધું છું,
આવ તું પાસે, તને જ હરપળ શોધું છું,

દિલાસા દિલને ક્યાં સુધી આપ્યા કરું?
તારા જ હોવાની એક ક્ષણ શોધું છું,

ખાલીપો હવે તો નથી સહેવાતો,
જાણે ભર્યા શહેરમાં હું રણ શોધું છું,

તારા વિના આશ પણ હવે કોની રાખું,
તે જ આપેલું એ સ્મરણ શોધું છું,

બેસી રહું છું, ક્યાંક બસ 'નીરવ' થઇ
જીવન આપી ખોવાયેલ એ મરણ શોધું છું.

નીરવ પટેલ 'શ્યામ'

Gujarati Blog by Nirav Patel SHYAM : 111060383

The best sellers write on Matrubharti, do you?

Start Writing Now