પ્રેમનું તો એમ છે – ઉશનસ્

પ્રેમનું તો એમ છે, ભાઈ !

         એ તો મળે, ના યે મળે,

         – કોઈ ના કશું કળે;

એમનું તો એમ છે,ભાઈ !

          એ કઈ ગમ વળે, કઈ ગમ ઢળે

          -કોઈ કશું ના કળે.

પ્રેમ તો એક લતા છે, ભાઈ !

 એનું નામ જ એકલતા !

          એ તો ફળે, ના ય ફળે,

          -કોઈ કશું ના કળે

પ્રેમ એ તો ભોંયરું છે, ભાઈ !

એ તો ભૂગર્ભમાં જ ભળે

           એ તો ક્યાંથી ક્યાં નીકળે

           -કોઈ કશું ના કળે

પ્રેમ એ તો આભનું બીજ છે, ભાઈ !

કઈ માટીમાં ઊભરે

            કઈ છીપમાં જૈ ઠરે

            -કોઈ કશું ના કળે

પ્રેમ એ તો સિંહણનું દૂધ, ભાઈ !

આપણે તો થવું માત્ર

સ્વરણ- ધાતુ- પત્ર,

             ત્યાં ય એ તો ઝરે, ના ય ઝરે.

             -કોઈ કશું ના કળે.

Gujarati Funny by Pravin.. : 111057131

The best sellers write on Matrubharti, do you?

Start Writing Now