એક પ્રકાશનો પુંજ મારી
સામે આવે છે
મારી આંખો એકદમ
અંજાઈ જાય છે
પ્રકાશનો પુંજ વધુનેવધુ
પ્રકાશિત થતો જાય છે
હું એ પ્રકાશિત પુંજની
અંદર ઘૂસી જઉ છું
મારી યાત્રા ચાલુ થાય છે
પ્રકાશનાં તેજદાર વલયોની અંદર બસ સરક્યા કરું છુ
મને શીતળતા અને શાંતિનો પરમ અહેસાસ થાય છે
ચારેબાજુ કોઈ જ નથી
હવે તો હું પણ નથી
એકદમ હળવાશનો અનુભવ
મને જાણે કોઈએ કરકમળમાં ઉંચકી લીધી છે
એક વિશાળ તેજના પુંજ તરફ મારી ગતિ અવિરત
ચાલુ છે
ॐ શાંતિ: ના નાદબ્રહ્મની સાથે હું હવે ક્યાંય નથી
બસ , એક પરમ પ્રકાશિત પુંજમાં એકાકાર અને ઓમકારના આભાસ સાથે હવે અહીં બીજુ કંઈ જ નથી ,
બસ અહીં છે
મોરલીનો મધુર નાદ
મોરપીંછ
માખણ
માધવ
મોક્ષ
હરિ: ॐ
- પાર્થિવી
