એક ચપટી સિંદૂર, એક મીંઢળ ને એક મંગલસૂત્રની સામે,
હું મારી આખી જાત મૂકીને આવું છું.
હોય ભલેને હાથ મારા તેમ છતાં,
તારા નામની ભાત મૂકીને આવું છું.
ધારું તો તારાથી આગળ નીકળી શકું તેમ છતાં,
અધૂરા સપનાઓ સાત મૂકીને આવું છું.
ખબર છે મારા વગર નથી ચાલવાનું એમને છતાં,
હું એમના પર આઘાત મૂકીને આવું છું.
મારા ઘરે મારુ રાજ ચાલતું હોવા છતાં,
એમના થકી હું મારી વાત મૂકીને આવું છું.
સાચવી લે જે મુશ્કેલીના સમયે મને,
કેમ કે હું આંસુઓની વાટ મૂકીને આવું છું.
કમલેશ નાડીયા "કલારૂપ"
