#kavyotsav
'વ્હાલું પાત્ર'મિત્ર' '
તમારા દિલ માં ખૂટતું એક તત્વ,
શરમ મૂકી નેવે સમક્ષ જેની,નિખાલસ બનાય એ સત્વ,
ઘણા સમયે મળેલ જાણે,સ્નેહી જન નો એ પત્ર...
એવું વ્હાલું પાત્ર એટલે'મિત્ર'.
સાંસારિક ઠંડી ને ભાંગતી,એ આશ્વસનીય હૂંફ,
ભૂખ્યા આત્મા નું એ જાણે,આધ્યાત્મિક ભોજનગૃહ,
એક સ્મિત માત્ર ની લાલચે ,એ કરતું હરકતો વિચિત્ર...
એવું વ્હાલું પાત્ર એટલે'મિત્ર'.
જીવન ની તકલીફો માં, યુક્તિ આપે કે ન આપે,
દરેક તબકકે સાથ આપી,ઘનિષ્ઠતા નો એ વ્યાસ વ્યાપે,
દિલ થી હોય એ અમીર વ્હાલા..ભલે પરિસ્થિતિ હોય દરિદ્ર..
એવું વ્હાલું પાત્ર એટલે'મિત્ર'.
શત્રુ ને સારા કહેવડાવે,એવો જેનો ત્રાસ હોય,
'ક્યાંથી ભટકાઈ ગયા?', એવો મન માં વિચાર હોય,
તોય સુખ-દુઃખ માં આવે પેહલી એની યાદ...એ કેટલું વિચિત્ર...!!??!!
એવું વ્હાલું પાત્ર એટલે'મિત્ર'.
કેટલું અને કેવું લખું?એની પર તો ગ્રથે ગ્રંથ લખાય,
વૃક્ષો ની કલમ,દરિયાની શ્યાહી,ને પૃથ્વીના કાગળ પર પણ ન સમાય,
મૌન રહી ને મૌન માં જ સમજાવે,એ કેટલું પવિત્ર?
એવું વ્હાલું પાત્ર એટલે'મિત્ર'.
કોણ હોય મિત્ર?,કેવો હોય મિત્ર?શા માટે જરૂરી છે આ મિત્ર??,
થાયછે ને તમનેય આવો ,કોક દી' પ્રશ્ન?,
'નવલા નજરાણા' થકી થોડામાં ઘણું કહેવાની મારી...આ કોશિશ છે ફક્ત,
બસ આવુજ વ્હાલું પાત્ર હોય છે આ'મિત્ર'.
-વાઘેલા શિલ્પા'નવ્યા'
