#Kavyotsav
આંખો ની અટારી
આંખ ની અટારી એ થી મંદ મીઠા ઈશારા,
આંખ્યું જરી મળી કે બંધાયા સેતુ માં પલકારા .
ઢાળી છે પાંપણ ને , કર્યા છે તમને નજરબંધ .
આછા આછા ઘવાય છે આ તીર થી પ્રેમ ના બંધન .
દિલ માં ઉતારે ધીમે ધીમે , આંખો ના અજવાળે.,
જાદુ માંડે , અજબગજબ નો,ધીમે હળવે હળવે.
બંધ આંખો પણ ખોલે જાણે શબ્દો નો પીટારો,
ઘણું ય કહી ગઈ ચુપકીદી આ , વર્તાયો સથવારો.
આંખો ખુલતી જાણે કળી ઓ ધીમે ધીમે ખીલતી,
શબ્દો ખુટ્યા , નયનો બોલ્યા .. આ પ્રેમ નહી તો બીજું શું બાવરી ?
