# Kavyostsav
તમો મળ્યા પછી !
જિંદગી જીવવાની મજા આવી તમો મળ્યા પછી,
પ્રીત રૂપી અમૃત પીવાની મજા આવી તમો મળ્યા પછી.
આમ તો સુર ઘણા ઘૂટતો સંગીતના,
ગીત ગાવવાની મજા આવી તમો મળ્યા પછી.
છલોછલ ભરેલા હતા અશ્રુઓ મુજ નયનમાં,
એને વહેવવાની મજા આવી તમો મળ્યા પછી.
એકલો એકાંતમાં શબ્દો ઘૂટયા કરું છુ,
અક્ષરોને પણ મજા આવી તમો મળ્યા પછી.
જાણું છુ ઘણી વેદના છે આ હૈયામાં,
આ વેદનાને ઓટ મળી તમો મળ્યા પછી.
-આશિષ વાયડા
