વર્ષારાણી
આ ધરા પણ જાણે થાકી
ગઈ છે જોઈને રાહ તમારી ,
હવે તો આપનાં આગમનથી
તેને તૃપ્ત કરો ઓ વર્ષારાણી.
સૃષ્ટિનાં જીવો પણ કરીને
બેઠા છે બધી તૈયારી ,
વર્ષારાણી આવો આપ હવે
મેઘરાજા પર કરીને સવારી.
સૂરજનાં ખરા તાપથી નદી
પણ ગઈ છે સુકાઈ ,
આપની પ્રતીક્ષામાં માનવી
માંગી રહ્યો છે દુહાઈ.
મોરલાઓ પણ થાકી ગયા
તમારા માટે કરીને ટહુકાર ,
તમને રીઝવવા તેમણે ન જાણે
કેટલા કર્યા છે દિલથી સાદ.
સુકા ફૂલડા પર ભ્રમરો પણ
બેસીને થઈ ગયા છે હેરાન ,
હવે તો આપ પધારો
વર્ષારાણી કરીને મેઘની પુકાર.
હવે ક્યાં સુધી આવી રીતે
માનવીની ઇચ્છાને આપશો માત ,
વર્ષારાણી હવે તો તમારા
આવવાથી જ થશે હાશ !!!
- બાદલ સોલંકી ( બાવલો છોરો )
MO :- 9106850269
