#MERAKRISHNA
મારા માટે શ્રીકૃષ્ણ એ મનુષ્ય દેહમાં જીવી ચૂકેલા ઈશ્વર, અદભૂત મિત્ર, આદર્શ પ્રેમી, મહાન નેતા અને શ્રેષ્ઠ પોલિટિશિયન છે. કારાવાસમાંથી શરૂ થયેલા તેમના જીવનમાં અનેક આપત્તિઓ આવેલી. તેમનું જીવન મને શીખવે છે કે દરેક પળને ઉજવવી જોઈએ. તેમણે જીવનમાં જે સ્થળ છોડ્યું છે ત્યાં ફરી ક્યારેય પાછા નથી ફર્યા. ધર્મ-અધર્મના યુદ્ધમાં સુદર્શન ચક્ર લીધા બાદ ક્યારેય વાંસળી નથી પકડી.
તળાવમાં નહાતી ગોપીઓના વસ્ત્રો સંતાડી દેતા આ નટખટ કાનુડાએ, ભરી સભામાં દ્રૌપદીના ચીર પણ જરૂર પડે પૂર્યા હતા. ખરેખર, આખા જગતમાં આવા અનોખા ઈશ્વરનો જોટો જડે તેમ નથી. શ્રીકૃષ્ણ મારા માટે તો મારા જીવનરથના સારથિ છે.
કૃષ્ણમ વંદે જગત ગુરુ!
