'' દોસ્તી ''
એક વાર મારું ' Home Work ' તે કરી આપ્યું તું ,
નોટબુક ના એ પાનાને મેં વાળીને રાખ્યું તું ,
હાંસિયામાં જે દોરેલા ,
એવા સપનાઓના ઘર હશે .
'' દોસ્ત ''
મારી નોટબુકમાં આજે પણ
તારા ' અક્ષર ' હશે ..
મારી સાથે બોલે છે ને ?
એમ પૂછીને પણ એકબીજા સાથે બોલતા ...
રીસેસ માંં ફકત લંચબોક્સ નહિ ,
આપણે લાગણીઓના ઢાંકણા પણ ખોલતાં ,
કિટા કયૉ પછી ફરી પાછા બોલી જતાં ,
એમ ફરી એક વાર બોલીએ ,
ચાલ ને યાર ,
એક જૂની ' નોટબુક ' ખોલીએ ..
ચાલુ ક્લાસે ,
એકબીજાની સામે જોઈ હસતાં'તા ,
કોઈપણ જાતના ' Agreement ' વગર ,
આપણે એકબીજા માં વસતા'તા ...
એકપણ પ્રશ્ર્ન પૂછ્યા વગર જ્યાં ,
આપણા આંસુઓ કોઈ લૂછતું 'તુ ,
ખાનગી વાત કરવા માટે ,
સાવ નજીક આવી ,
એકબીજા ના કાનમાં કશુંક કહેતા'તા
હવે બધું જ ખાનગી છે ,
પણ , કોની સાથે ' શેર ' કરું ?
નજીકમાં કોઈ કાન નથી ..
' દોસ્ત ' ,
તું કયા દેશમાં છે ?
કયા શહેરમાં છે ?
મનેે તો એનું પણ ભાન નથી ...
' બાક્સ 'ના ખોખાને દોરી બાંધીને ,
' ટેલિફોન ' માં બોલતા ,
એમ ફરી વાર બોલીએ ,
ચાલનેે ' દોસ્ત ' ,
એક જૂની 'નોટબુક' ખોલીએ ...
મારાં ખોવાયેેેલા ' દોસ્ત ' માટે ,
ચાલને ફરી વાર ,
સ્કૂલમાં આંટો મારીએ ....
