The Download Link has been successfully sent to your Mobile Number. Please Download the App.
Continue log in with
By clicking Log In, you agree to Matrubharti "Terms of Use" and "Privacy Policy"
Verification
Download App
Get a link to download app
ખંડેર ઘરના મોભની યાતના કેવી હશે? કબરના દરવાનની સંવેદના કેવી હશે? રોજ સવારે જન્મે જે આશ જીવંતતાની, ને સાંજે મળે મૃત,એ ભરોસાની લાશ કેવી હશે? મળે ઈશ્વર અને માણસ,એ મુલાકાત કેવી હશે? સર્જક અને સર્જનની મથામણ કેવી હશે? બંને કરે ફરિયાદ જો..."તે મને બનાવ્યો"!! ચિત્રગુપ્તના ચોપડે,લખાયેલી એ લેખિની કેવી હશે? રણ વચોવચ એકલા ઝાડની દશા કેવી હશે? રાહગીરની વાટ જોવાની વ્યથા કેવી હશે? કહી દઈએ જો એટલું કે..."લાવ કાપી દઉં" !! એકલતાના શાપથી મુક્તિની ઉજાણી કેવી હશે? - નિર્મિત ઠક્કર
જીવનની ઝપાટાભેર મુસાફરીનો તું જ એક વિસામો તું જ એક ઠંડો છાયો,તું જ એક હુંફાળો માળો કરી'તી ગુસ્તાખી એમ વિચારીને કે ભુલી જાઉં તને જેવો ભુલવા ગયો, ભુલી ગયો ખુદનો જ વરતારો યાદ છે હજી મને આપણી શરૂઆતની મુલાકાતો તારું રોજ રોજ આવી,સામે બેસવાનો નઝારો દિલ તો ત્યારે જ દઈ દીધું તું,ફક્ત દુનિયા રાખી'તી બાકી એય થઈ ગઈ તારી,બોલ હવે શું રાખ્યું છે બાકી? કરી શકું કઈ પણ તારા માટે તોય એ ઓછું લાગે તારા સ્મિતનું બ્રહ્માસ્ત્ર સીધું કાળજે વાગે તું જ છે અહી,તું જ તહી ને તું જ છે સર્વત્ર, તારા વગર પાનખર, ને તારી સાથે વસંત મારો જન્મારો. - નિર્મિત ઠક્કર
તોફાન લઈને બેઠો છે, ઘણાં સન્માન સાચવીને બેઠો છે, શંકર જેમ ઝેર પી પી ને કાયમ, કંઠે સમાધાનો નાં સાપ વીંટીને બેઠો છે... છે સક્ષમ ધ્રૂજવવા ધરા પરંતુ, આવગણનાઓનો ભાર ધરીને બેઠો છે, લલકાર્યો રાવણ - કાયમ રામ થવા પણ, શું કરે? ,વિભીષણને ગદ્દાર કહીને બેઠો છે... દોસ્ત મારો બદલાશે એની કોઈ આશ નથી, લાગણીઓની ધુણી ધખાવીને બેઠો છે, ગુમાવી સ્વનું અસ્તિત્વ હરેક પ્રસંગે, પૂંજાય એવો શિલાલેખ થઈને બેઠો છે. - નિર્મિત ઠક્કર
ઉપલબ્ધ છું હું એટલે,વહેંચી રહ્યા છે સૌ માંગે છે સૌ મને,પોત પોતાની જરૂરીયાત મુજબ થઈ રહ્યો છું શૂન્ય,કરતા ખુદમાંથી ખુદને બાદ, હવે શેષ વધે કંઈ તો-દાખલો ખોટો,ગણતરી મુજબ સૌ છે ન્યાયાધીશ,છે સૌના પોતીકા હુકમ, સૌ તોડે કાયદો,પોતપોતાની હેસિયત મુજબ જીતની બાજી પલટાઈ ગઈ હારમાં તો શું? બદલી દેશે સૌ રમતના નિયમ સવલત મુજબ ન બાંધી શકુ સેતુ નલ-નીલ જ્યમ તો કંઈ નહી!!! કર યોગદાન રામકાજમાં તુચ્છ ખિસકોલી મુજબ - નિર્મિત ઠક્કર
વરસે ઓછો ને ઉકળાટ ઝાઝો આપે છે, વરસાદ પણ હવે માણસ જેવો લાગે છે... ક્યાંક ધોધમાર,ક્યાંક ઝરમર તો ક્યાંક છૂટો છવાયો, એકદમ અણધાર્યો ફક્કડ,માણસ જેવો લાગે છે... ખાલી ભીંજવે તો જ સોડમ, ને પલાળે તો કાદવ, ઝાઝો નજીક સારો નઈ,માણસ જેવો લાગે છે... ફરફર, ફોરા,હેલી ને એવી તો, બાર ઓળખ રાખે, ચહેરો પહેરે સંજોગ પ્રમાણે,માણસ જેવો લાગે છે... વરસતો,વહેતો,ભળતો ને ફરી બંધાતો વાદળમાં, ઉપર નીચે ચક્કર ખાતો,માણસ જેવો લાગે છે... - નિર્મિત ઠક્કર
ચાલે છે જંગ ધીરજ અને અધિરાઈ વચ્ચે મારા હૃદય સમરાંગણે એક તરફ એક પળ ન વિતે તારા વગર એક તરફ આયખું વિતાવવા છું તૈયાર તારી વાટમાં... થઈ જાઉં છું મૌન મન અને મસ્તિષ્કની ચર્ચા વચ્ચે મારા વિચારોના સભગારમાં એક તરફ દુનિયાભરની વાહ વાહી તારા વગર એક તરફ પ્રેમની જાહોજલાલી તારા સંગાથમાં... અનુભવું છું લાચારી સત્ય અને સ્વપ્નાઓની ખેંચતાણ વચ્ચે મારી મહેચ્છાઓની મથામણોમાં એક તરફ જીવતરની અધુરપ તારા વગર એક તરફ લાગે મૌત, કોઈનો હાથ તારા હાથમાં... - નિર્મિત ઠક્કર
એક દુઃખ છે કે એનાથી દૂર થઈ રહ્યો છું, ને બીજું એ કે એના દ્વારા થઈ રહ્યો છું, પ્રેમમાં આથી મોટી પડોજણ શું હોઈ શકે? રમે છે લાગણીઓ સંતાકૂકડી ને ભરબજારે બદનામ હું થઈ રહ્યો છું. દબાવીને બેઠો છું ભીતરમાં ભયંકર દાવાનળ, દાઝુ છું હૈયે એટલે જ તરફડી રહ્યો છું, મારો નઈ ફૂંક હૂંફની...જરાય જરૂર નથી, સાચવીને રાખેલા આંસુથી,અસરદાર થઈ રહ્યો છું. ફરી એકવાર ઝીંદગી બૂમરેંગ સાબિત થઈ, જ્યાંથી નીકળ્યો તો,ત્યાં જ પાછો ફરી રહ્યો છું, કૃષ્ણને અનુસરવું,થઈ રહ્યું છે વિકટ હવે, ગોકુળ અને રાધા છુટતા નથી એકતરફ, ને બીજી તરફ ધર્મયુદ્ધ લડી રહ્યો છું. - નિર્મિત ઠક્કર
પુરતો છે એક સ્પર્શ માત્ર, મારી જીવનભરની જીવંતતા માટે, તો આપી જા ને... તારા સ્પર્શની સંજીવની, જે કરે સજીવન મુજને ફક્ત તારા માટે, રોજ મનનો દરિયો પાઠવે છે સંદેશો આંખોના કિનારે આવતી લહેરોની સાથે કે બસ પૂરો થવામાં જ છે મારો ઇંતેજાર એ સ્પર્શનો...જ્યાં મારામાં પ્રાણ પુરાય જ્યમ રામ અડે...ને પત્થર અહલ્યા થાય.
એવાય મોસમ જોયા છે.. ખુબ પલળતા લોકોને અંદરથી કોરા જોયા છે.
સમય ચાલ્યો જાય પૂરપાટ સડસડાટ તોય હું ત્યાંની ત્યાંજ...અટકેલી મારી અનુભુતિ સાથે... કરે છે હાથ પરની કરચલીઓ બબડાટ તોય હું ત્યાંની ત્યાંજ...ચૂપચાપ મારી અનુભુતી સાથે થઈ રહ્યું છે ઘમાસાણ હૃદય મહી ભયંકર તોય હું ત્યાંની ત્યાંજ...અચેતન મારી અનુભુતી સાથે ફર્યા કરુ છું ઘડિયાળના કાંટા જ્યમ નિરંતર તોય હું ત્યાંની ત્યાંજ...પહોંચેલી મારી અનુભૂતિની સાથે ઘણું જીવી જગનાં ઇશારે સરેઆમ સંસારમાં તોય હું ત્યાંની ત્યાંજ...એકલી મારી અનુભુતિ સાથે
Copyright © 2024, Matrubharti Technologies Pvt. Ltd. All Rights Reserved.
Please enable javascript on your browser
