" તારો સહવાસ ઇચ્છું છું "
જિંદગીના હર મોડ પર, તારો સહવાસ ઇચ્છું છું,
સપ્તપદીના સાત વચનનો, અતૂટ વિશ્વાસ ઇચ્છું છું.
સુખનો ઊગે સૂરજ કે પછી ઘેરાય વાદળ દુઃખનાં,
રાહોમાં ભલે હોય કંટક, તારો સંગાથ ઇચ્છું છું.
આંગણે ખીલતા પેલા, પવિત્ર તુલસીના ક્યારા સંગ,
ઢળતી સાંજે હર આરતીમાં, તારો જ સાથ ઇચ્છું છું.
જીવન-ઉપવને સાથે ઉછેરેલાં વહાલાં પુષ્પો સંગાથે,
હરઘડી અને હરપળ તારા હાસ્યનો પ્રાસ ઇચ્છું છું.
મળી છે તું આ ભવમાં, થયું જીવન ધન્ય આ 'વ્યોમનું',
હર જનમના હર શ્વાસે, બસ તારો અહેસાસ ઇચ્છું છું
✍...© વિનોદ. મો. સોલંકી "વ્યોમ"
જેટકો (જીઈબી) અંજાર. મુ. રાપર
