" રંગ દોસ્તીનો "
મારા મિત્રો એકથી એક ચડિયાતા નંગ છે,
પણ ખરું કહું તો એ મારા અભિન્ન અંગ છે.
દોસ્તી અમારી જુએ છે જ્યારે આ દુનિયા,
જોઈને એ સ્નેહ દુનિયા પણ અહી દંગ છે.
રોજ મળવાનું નથી થાતું એ વાત સાચી છે,
આ સમયની દોડમાં હાથ સહુનો તંગ છે.
વહેંચાઈ ગયા બધા પોતાની જવાબદારીમાં,
તોય દાયકાઓ પછી દોસ્તીનો એ જ રંગ છે.
ધસી આવે છે એ વહારે બસ એક હાકલમાં
મુશ્કેલી સામે જિંદગીનો થાય જ્યારે જંગ છે.
પહોંચી ગયા સૌ ભલેને આધેડ ઉંમરે "વ્યોમ",
પણ, મળીએ ત્યારે દિલ બધાના થાય યંગ છે
✍...© વિનોદ. મો. સોલંકી "વ્યોમ"
જેટકો (જીઈબી) અંજાર. મુ. રાપર.
