Shayad main move on isliye nahi kar paa raha hoon, kyunki main sach mein attached tha.
Mere liye woh bas ek shakhs nahi thi, meri aadat ban gayi thi. Mere din ki shuruaat bhi usi se hoti thi aur raat ka aakhri khayal bhi wahi hoti thi.
Maine sirf pyaar nahi kiya tha, maine use apni zindagi ka hissa bana liya tha. Isliye aaj uske jaane ke baad bhi aisa lagta hai jaise mera kuch andar se toot gaya ho. Kuch log kehte hain, "Bhool ja, aage badh ja." Par shayad woh yeh nahi samajhte ki kuch log sirf dil mein nahi rehte, woh hamari poori zindagi mein bas jaate hain. Main koshish to karta hoon normal rehne ki, hansne ki, khud ko busy rakhne ki Lekin sach kahun to, har cheez ke beech uski hi kami mehsoos hoti hai.
Shayad isi ko saccha attachment kehte hain. Insaan chala jaata hai, lekin uski maujoodgi bahut samay tak dil se nahi paati...
