" ખરેખર ? "
નજરથી નજર મળતાં આંખો થઈ 'તી ચાર, ખરેખર!
પહેલી નજરનું તીર થયું' તું દિલની આરપાર, ખરેખર!
ના લાગતી ભૂખ તરસ, બસ મન રહેતું કાયમ ગુમસૂમ,
સતત એના વિચારોમાં જ દિલ રહેતું બેકરાર, ખરેખર!
બસ, એક ઝલક એની દેખવા રહેતો આકુલવ્યાકુલ,
વળતી દિલને ટાઢક જ્યારે થતાં એનાં દિદાર, ખરેખર!
એ પગપાળા ચાલતી આગળ, સાઈકલથી હું પાછળ,
પૈડાં ઘસાઈ ગયાં હતાં સાઈકલના દસ બાર, ખરેખર!
આજ તો હું જરૂર કહી દઈશ, મારા દિલની વાત એને,
ચૂપ થઈ જતો એની સામે, ના થતો એકરાર, ખરેખર!
કિશોરાવસ્થાની એ નાદાનિયત પણ ખુબ યાદ આવે છે,
"વ્યોમ" એ હતું બસ આકર્ષણ, નહીં કે પ્યાર, ખરેખર????
✍...© વિનોદ. મો. સોલંકી "વ્યોમ"
જેટકો (જીઈબી), મુ. રાપર
