તારી આદત છોડી છે, પણ અસર હજી બાકી છે,
આ દિલમાં તારી યાદોની, એક ઝલક હજી બાકી છે.
સમયના વહેણમાં ઘણું બદલાયું છે હવે તો,
પણ એ જૂની લાગણીઓની, મહેક હજી બાકી છે.
કંઈ કેટલાય રંગો જીવનમાં નવા ભરાયા છે,
પણ એ ફિક્કા રંગોની છાપ, ક્યાંક હજી બાકી છે.
ભલેને રસ્તાઓ બદલાયા, મંઝિલ પણ નવી મળી,
પણ એ પહેલાં પગલાંની ધૂળ, ક્યાંક હજી બાકી છે.
કહેવાને તો ઘણું કહી દીધું, ભૂલી જવાને પણ પ્રયત્ન કર્યો,
પણ એ અધૂરી વાતની ખામોશી, હજી બાકી છે.
આ 'વેદનાના' દિલને સમજાવ્યું છે હવે ઘણું,
પણ એ પાગલપનની એક લહેર, કદાચ હજી બાકી છે.
