આંસુઓના સરવાળે જિંદગી વીતતી ચાલી.
દુઃખ પછી સુખ છે એમ જાણે કહેતી ચાલી.
સમયના ચક્રને કોણ રોકી શકનારું છે ભલા,
ક્યાંક ગમતી તો ક્યાંક એ અણગમતી ચાલી.
હમસફરને હમકદમની મળી હૂંફ મારગ મધ્યે,
સુખદુઃખની છાપ માનસપટલે ધરતી ચાલી.
આવ્યા, રહ્યાને ગયાનો ક્રમ અવિરત ચાલતો,
ગુણો- અવગુણોની છાંય રખે મૂકતી ચાલી.
મેળવ્યું- ગુમાવ્યુંના હિસાબમાં ના સરભર થતું,
કાળના વિષચક્રમાં કૈંક જિંદગી હોમાતી ચાલી.
- ચૈતન્ય જોષી. ' દીપક ' પોરબંદર.
