खूप काही सांगून जातं....?!
त्या एकांत राती
तुझं अपेक्षा नसता
प्रेमानं बोलणं
खूप काही सांगून जातं...
एकटं असणं
मी मान्य करता
तुझं ते नाकारणं
खूप काही सांगून जातं...
सतत काळजी,
भरभरून मैत्रीपूर्ण प्रेम
तुझं ते हळूच बघणं
खूप काही सांगून जातं...
अनुभव हे प्रेमळ
फक्त हक्काचे माझ्या
कोणा दुसऱ्याचं मधी येणं
खूप काही सांगून जातं...
दुसरा मधी येताच
तुझं बदलणं
माझं हळूच नाहीसं होणं
खूप काही सांगून जातं...
हळू - हळू तुझं टाळत जाणं
माझं स्वतःच्या मनाला मारणं
तुझं ते वचन मोडणं
खूप काही सांगून जातं...
किती तरी दिवसांनी
तुझ्या भेटीसाठी येता
तुझं ते दुसऱ्याच्या बाहुपाशात असणं
खूप काही सांगून जातं...
📌 खुशी ढोके
