ભજન: "પાળેશ્વરનો નાદ"
રચના:- અશ્વિન રાઠોડ 'સ્વયમ્'ભૂ"
હે... ખળખળ વહેતી મચ્છુ માડી, જેના ધોવે ચરણ,
વનાળીયા ગામે બેઠો મારો ભોળો શરણ...
ભોળો શરણ... મારો ભોળો શરણ...
મચ્છુને કાંઠે બિરાજે, પાળેશ્વર મહાદેવ,
દુખિયાના દુઃખડાં ભાંગે, કરીએ તારી સેવા...
હે.. વનાળીયા ગામે ડમરૂ વાગે, પાળેશ્વર મહાદેવ નામનું
[અંતરો ૧]
ઊંચા ઓટલે બેઠો નાથ, મંદિરે ધજા ફરકે,
ભક્તો આવે ભાવથી, તારા દર્શન કરવા હરખે.
હે... ઝાલર ટાણે રણકે ટંકોરો, ગાજે તારું નામ,
પાવનકારી ભૂમિ તારી, પાવન તારું ધામ...
મચ્છુને કાંઠે બિરાજે...
[અંતરો ૨]
જટા મહીં ગંગા બિરાજે, ભાલમાં ચંદ્ર શોભે,
રૂપ જોઈને ભોળિયા તારું, મનડું મારું મોભે.
હે... નંદી પર અસવારી તારી, ત્રિશૂળ છે હાથ,
સદા રહેજો વનાળીયા પર, તમારો મીઠો સાથ...
મચ્છુને કાંઠે બિરાજે...
[અંતરો ૩]
શ્રાવણ માસે ભીડ જામે, કાવડ આવે દ્વાર,
પાળેશ્વરના ચરણે નમતા, ઉતરે ભવ પાર.
હે... બમ બમ ભોલેના નાદ સાથે, ગુંજે આખું ગામ,
દયા રાખજો દાદા સૌ પર, "સ્વયમ્'ભૂ" રટતા તારું નામ...
મચ્છુને કાંઠે બિરાજે...
રચના:- અશ્વિન રાઠોડ "સ્વયમ્'ભૂ"
