હું ને તું, ને આ વરસાદ,
આજે ફરી ભળી ગયા છીએ,
ભીની માટીની મહેક સંગ,
યાદોમાં વહી ગયા છીએ.

વાદળો ઘેરાયા આકાશે,
ને છલકે પ્રેમની સરવાણી,
તારી આંખોમાં જોઉં છું હું,
મારી અધૂરી કહાણી.

ટીપે ટીપે વરસે છે પ્રેમ,
ને ભીંજવે અંતરના તાર,
આ પળો જાણે થંભી ગઈ છે,
બસ તું ને વેદનાં , ને આ વરસાદ.

છત્રીની શી જરૂર છે આજે?
જ્યારે તારો સાથ છે,
આ વરસાદી સાંજે,
ફક્ત તારો જ અહેસાસ છે.

દૂર ક્ષિતિજે સૂરજ ઢળતો,
ને આકાશ લાલઘૂમ થાય,
આ પળમાં જીવનનો સાર છે,
બસ તું, હું, ને આ વરસાદ.
🌹🌹🌹🌹🌹🌹🌹🌹🌹
🌹 કલમ મારી પ્રતિસાદ તમારો 🌹

Gujarati Poem by Awantika Palewale : 111984736

The best sellers write on Matrubharti, do you?

Start Writing Now