😘😘😘
પહેલો પ્રેમ કદી વિસરાતો નથી, એવું કહેવાય છે અને રોજ મનમાં વિચાર આવતો જ રહે કે તે ક્યાં હશે અને શું કરતી હશે..?
રમેશભાઈનો અનુભવ:
એક વાર ઘરે મોબાઈલની રિંગ વાગી. જોયું તો અજ્ઞાત નંબર હતો.
મેં ફોન લીધો. સામેથી મધુર અવાજ આવ્યો, કેન આઈ સ્પીક ટુ રમેશ..?
અવાજ થોડો પરિચિત લાગ્યો. મેં કહ્યું, હા બોલો. હું રમેશ, તમે કોણ..?
તેણે કહ્યું, હું રોલ નમ્બર 69.
રોલ નમ્બર 69 પરથી યાદ આવ્યું કે મારી સ્કૂલમાં સાથે ભણતી એક છોકરી રશ્મિનો અવાજ હતો - જે સ્કૂલ ટાઈમમાં ઘણા પ્રયત્નો છતાં મને ભાવ આપતી ન હતી.
તરત જ હું ઘરમાંથી બહાર પેસેજમાં પહોંચી ગયો.
ધબકારા વધી ગયા, શ્વાસ પણ થમ્ભી ગયો. શું બોલવું..? શબ્દો મળતા ન હતા.
પણ ત્યાં એ સામેથી બોલી, ક્યાં છે યાર, કેટલા વરસ થઈ ગયા તને જોયે, તારો નમ્બર પણ ન હતો મારી પાસે. કાલે જ વિપુલ મળ્યો, એની પાસેથી તારો નમ્બર લીધો અને તને ફોન કર્યો.
અચાનક તેણે બીજો એક મોટો બૉમ્બ નાખ્યો. મારે મળવું છે તને. ક્યારે ટાઈમ છે બોલ..?
મનમાં નોકરીનો ખ્યાલ આવ્યો અને કીધું રવિવારે ફ્રી છું. મળીયે.
એણે પૂછ્યું કે ક્યાં મળશું..?
પછી તેણે શહેરની એક મોટી શાનદાર હોટેલનું નામ લીધું અને રવિવારે ત્યાં સાંજે 5 વાગે મળીયે, એવું નક્કી થયું.
રવિવારને હજી 3 દિવસ બાકી હતા.
હું તો તેને મળવા જવાનું છે એમ કરી નવું મોદી જેકેટ લાવ્યો, સલૂનમાં જઈ ફેસિયલ કરાવ્યું, બાલ ડાઈ કરાવી નાખ્યા, નવું પરફ્યુમ લઈ આવ્યો.
આ બધું જોઈ પત્નીએ પૂછ્યું, શું વાત છે..? શેની તૈયારી ચાલુ છે..?
રવિવારે ફોરેનના કલાઇન્ટ સાથે મિટિંગ છે, એવું ગપ્પુ મારી દીધું.
પત્ની બિચારી ભોળી. તેણે વાત માની લીધી.
ત્યાર બાદ નવા બુટ, ગોગલ્સ આ બધું ખરીદ્યું.
બઉ ખર્ચો કરી નાખ્યો પણ તેની પરવા ન હતી કેમ કે રવિવારે રેશમ જેવી રશ્મિને મળવા જવાનું હતું.
ફાઇનલી રવિવાર આવ્યો. ઓલા ટેક્સી દરવાજા પર આવી ઉભી રહી.
પત્ની અને બાળકોએ કોઈ મોટી મિટિંગમાં જઇ રહ્યા છે, તેમ સમજી શુભેચ્છાઓ આપી.
ટેક્સી હોટેલના દરવાજા આગળ આવી ઉભી રહી, ત્યાં સામે જ તે ગુલાબનું ફૂલ લઇને ઉભી હતી, મારી વાટ જોતી હતી.
બંને એકબીજાને ગળે મળી હોટેલમાં એન્ટ્રી મારી.
મોંઘી મોંઘી વાનગીઓનો ઓર્ડર આપી, ખૂબ વાતો કરી, જમી લીધું.
પછી ડેબીટ કાર્ડથી બિલ ચૂકવી બધું બેંક બેલેન્સ લગભગ બધું જ ઉડાવી દીધું.
પછી તેણે કહ્યું, મારે તારું કામ છે. આશા છે તું ના નહીં પાડે.
મેં કીધું, બોલ તારા મારે જાન પણ હાજીર છે.
પછી તેણે બેગ ખોલી અને અમુક કાગળિયા કાઢ્યા અને કહ્યું કે હું LIC નું કામ કરૂં છું અને આ મહિને ટાર્ગેટ પૂરો કરવાનો છે તો પ્લીઝ તું એક પોલિસી કઢાવ. જમતા જમતા તારી બધી માહિતી મેં લઈ લીધી છે. હું ફોર્મ પછી ભરી દઈશ. તું ફક્ત અહીંયા સહી કર.
સહી તો કરી નાખી પણ હવે હપ્તા ભરવા પડશે, તે વિચાર આવતા માથું દુ:ખવા લાગ્યું.
અને હવે દર હપ્તે તેની યાદ તાજી થશે.
માટે આવી રીતે કોઈને મળવા પહેલા એ જાણવું બહુ જરૂરી છે કે તે શું કરે છે..!
*LIC*
*જિંદગીકે સાથ ભી*
*જિંદગીકે બાદ ભી*
😂😂😂😂😂😂
.........
