પગમાં લાગનારી ઠોકરે ચીંધ્યા છે રસ્તા મને.
સાહેબ તો શું નાના નોકરે ચીંધ્યા છે રસ્તા મને.
પડીને ઊભા થવાની વર્ષો પુરાણી આદત છે,
નિષ્ફળતાએ પણ આખરે ચીંધ્યા છે રસ્તા મને.
વાતો કરનારાઓ એ ખૂબ કીધી આઘીપાછી,
એનાં વેણ નીકળ્યાં આંકરે ચીંધ્યા છે રસ્તા મને.
હતી ચાહ અંતરે ઝઝૂમીને પછી જ ઝૂમવા તણી,
એવા આતમના એ ઉદગારે ચીંધ્યા છે રસ્તા મને.
છું રાહી કર્મ તણો ના મુસીબતથી ડરનારો લગીર,
એવા ઊઠતા મનના વિચારે ચીંધ્યા છે રસ્તા મને.
સિલક હારની ઝાઝી, જીત તો જ્વલ્લે જ મળે,
મારાં કદમ જ કેડીને કંડારે ચીંધ્યા છે રસ્તા મને.
- ચૈતન્ય જોષી. ' દીપક ' પોરબંદર.
