તમે આવો કે ના આવો, યાદ નિરંતર રહેવાની.
રૂઠો કે પછી કોઈ મનાવો, યાદ નિરંતર રહેવાની.
જન્મથી આજદિન લગીની સફર છે અવિરત,
ખિજાઓ કે પછી મલાવો, યાદ નિરંતર રહેવાની.
પ્રસંગોના પટલે થૈને તાણાવાણા વણાયા છો તમે,
અવસરો ભૂલો કે મમળાવો, યાદ નિરંતર રહેવાની.
એટલું જ છે બાકી કે હોઠે આવી ના વસ્યાં તમે,
હૈયેથી વિસારો કે વધાવો, યાદ નિરંતર રહેવાની.
મથીએ છીએ ભૂલવા તમને અને તમારા પ્રસંગોને,
ઉરઅગન બુઝાવો કે તાવો, યાદ નિરંતર રહેવાની.
- ચૈતન્ય જોષી. " દીપક " પોરબંદર.
