ભૂલ કબૂલીને સાવ હળવોફૂલ થઈ ગયો.
ને પછી હરિ હું તારામાં મશગુલ થઈ ગયો.
મળી મને શાંતિ કેટલી ;હતી જે અપેક્ષિત,
તારા સ્વીકારે હું જાણે કે કબૂલ થઈ ગયો.
મારે માંગવાની કે તારે આપવાની વાત નથી,
અકારણ આજ લગી આગબબૂલ થઈ ગયો.
ના રહ્યું અલગ અસ્તિત્વ પછી મારું પોતાનું,
કાલનો સાવ મામૂલી આજ અતુલ થઈ ગયો.
રહ્યો હું તો બસ ફુગ્ગાની જાત સમો હળવો,
તારી સંગાથે રંગલાખવત્ અમૂલ થઈ ગયો.
- ચૈતન્ય જોષી. ' દીપક ' પોરબંદર.
