હરિ મારે અંતરના અનુરાગ.
હરિ મારે ઘેર બેઠાં પ્રયાગ.
નામસ્મરણે સહજ આનંદને,
છૂટે માયા કેરો બંધને.
હરિ મારે વસંત જીવનબાગ..હરિ..1
અંશ અંશીનું મિલન ક્યારે?
હરિવર સદા એક વિચારે.
હરિ છૂટે વાણી વૈખરી કાગ...હરિ..2
હશે ઝંખના હરિવર મારી,
સર્વસમર્પણની તૈયારી.
બુઝાવોને દિલદુગ્ધાની આગ..હરિ..3
તડપન ધડકન પળેપળ રહેતી,
અંતર આરઝૂ નૈનથી વહેતી.
હરિ મારે પતિવ્રતા સોહાગ...હરિ..4
- ચૈતન્ય ચંદુલાલ જોષી. ' દીપક ' પોરબંદર.
