.... " જીવ્યાં "
અમે તો બસ તારા અભાવમાં જીવ્યાં;
છતાંય કાયમ તારા લગાવમાં જીવ્યાં;
કેમ કરી ભૂંસવું નામ તારું આ દિલથી?
હમેશાં તારા નામના પ્રભાવમાં જીવ્યાં;
જખમો વિરહના ભરાયાં જરા જ્યાં,
ખોતરતાં એ જખમોને ઘાવમાં જીવ્યાં;
થઈ જિંદગી હાલક ડોલક તારા વિના,
પછી તો ડૂબતી જીવન નાવમાં જીવ્યાં;
તડપે છે મળવાને ધરતીને આ "વ્યોમ"
મળશે એ ક્ષિતિજે એ ભાવમાં જીવ્યાં;.
✍... વિનોદ. મો. સોલંકી "વ્યોમ"
GETCO (GEB),
મુ. રાપર
