જળસંચય કરીએ આજ, આભેથી વરસ્યો વરસાદ.
રાખી હરિવરે સૌની લાજ, આભેથી વરસ્યો વરસાદ.
સરોવર, નદીને વાવકૂવા ભરી દીધા મેઘરાજાએ ઘણા,
કરીએ બોરનેય રીચાર્જ, આભેથી વરસ્યો વરસાદ.
વહી ન જાય પાણી ખોટીરીતે સમદરના પેટાળમાંહી,
"ભોંટાંકે સાચવો" છે અવાજ, આભેથી વરસ્યો વરસાદ.
હોય શક્ય એટલું ભરીને સાચવી લઈએ કુદરતીપ્રસાદ,
જળતંગી નિવારવાને કાજ, આભેથી વરસ્યો વરસાદ.
જળ એ જ જીવન છે એનું જતન કરીએ શાણી વાત,
બનીએ એક માનવ સમાજ, આભેથી વરસ્યો વરસાદ.
ચૈતન્ય જોષી. ' દીપક ' પોરબંદર.
