એમ નયનથી નયનને મિલાવ્યા ના કરો.
કલ્પનાની પાંખે ઝાઝું તમે ઊડ્યા ના કરો.
હતો એ દિન નયનકટાક્ષે થઈ તારકમૈત્રી,
વારંવાર એ યાદ કરાવી તડપાવ્યા ના કરો.
મંઝિલ તો દૂર છે હજુને રાહ છે અટપટો,
મધુરયાદો વાગોળીને દિલ દુખાવ્યા ના કરો.
રે કીસ્મત! યારી આપે કે ના આપે શક્ય છે,
છે એ મનમંદિર ત્યાં આગ પ્રગટાવ્યા ના કરો.
ઉરથી ઉરનું અંતર થયું હવે સાવ શૂન્ય કેવું,
કહી દ્વિવચન એને અલગ બતાવ્યા ના કરો.
'હું' એ તો હું જ છું સદાકાળ રહેનાર વળી,
ધરી મુખ સંમુખ દર્પણને ચહેરો દેખાડ્યા ના કરો.
- ચૈતન્ય જોષી. ' દીપક ' પોરબંદર.
