શીર્ષક - "પડકાર ના આપીશ"
નથી ઘનઘોર તો પણ વરસી રહ્યાં છીએ;
છતાં અમે જ બૂંદ બૂંદ તરસી રહ્યાં છીએ;
ધીરે ધીરે પણ એ તરફ ધસી રહ્યાં છીએ;
એમ કહો કે મોત નજીક ખસી રહ્યાં છીએ;
વેદનાઓથી તરબતર થયું છે અમારું હૃદય,
છતાંય ભરી મહેફિલમાં હસી રહ્યાં છીએ;
પડકાર ના આપીશ અમને હવે જીવવાનો,
જો તો ખરો અમેય કમર કસી રહ્યાં છીએ;
ચાર ભીંત, એક છત ને ફર્સ છોડી "વ્યોમ"
આજકાલ અમે કબરમાં વસી રહ્યાં છીએ;
✍... © વિનોદ.મો.સોલંકી "વ્યોમ"
GETCO (GEB),
મુ. રાપર.
