શીર્ષક - "કોના અભાવમાં? "
હોય છે નોખાં અહીં દરેક, રંગ-રૂપ ને સ્વભાવમાં!
છતાંય ન જાણે માણસ જીવે છે કોના અભાવમાં?
હોય છે હર એકની પ્રતિભા એક-બીજાથી અલગ,
તોય કેમ આવી જાય છે કોઈ બીજાના પ્રભાવમાં?
પગ ખેંચવાની લાગી હોડ, ત્યાં મલમ કોણ લગાવે?
પરંતુ, મરચાં જરૂર ભભરાવશે એ લાગેલા ઘાવમાં;
ડગ્યા વગર મંડ્યા રહો તમે, સંઘર્ષમાં હો ભલે એકલાં!
સફળતા મળતાં આવશે બદલાવ, સૌનાં પ્રતિભાવમાં!
ખુદના દુખ દર્દ તો હરકોઇ મહેસૂસ કરી લે છે "વ્યોમ"
માણસ એ છે જે દર્દ બીજાના જાણીલે હાવભાવમાં;
"વ્યોમ" પર બેઠો ઈશ્વર પણ જુએ ફક્ત તમારાં કર્મ,
ભવસાગર એ તારે ભલેને હોય કાણું જીવન નાવમાં;
✍..© વિનોદ.મો.સોલંકી "વ્યોમ"
GETCO (GEB),
મુ. રાપર.
