શીર્ષક - "સબંધ"
કાચા પડ્યાં છે જે હમેશાં સબંધો સાચવવામાં;
આજ પારંગત થયાં છે જોવો પતંગો કાપવામાં;
હું ભાવનામય બનીને સાચવતો રહ્યો હર સબંધ,
અને એ વ્યસ્ત રહ્યાં સંબંધોના છેદ ઊડાડવામાં;
પ્રથમ કદમ આગળ ધરીને પણ અનુભવી લીધું,
માન નથી જળવાતું હર વક્ત આગળ વધવામાં;
ઘણી વખત તો મને એવું પણ લાગ્યા કરે છે, કે!
વ્યર્થ હતું સામે ચાલી એ સ્વજનોને મનાવવામાં;
દિન બ દિન બન્યાં સબંધ બનાવટી ફુલો સમાન,
મજા ક્યાંથી આવે કાગળના ફૂલોને મહેકાવામાં?
વાણી વિચારોમાં પણ ક્યાં રહી કોઇ સ્વતંત્રતા,
જોખવાં પડે શબ્દો હવે અંગતો સંગ બોલવામાં;
બનાવ્યાં છે હર સબંધ હૃદયથી ભગવાને છતાંય,
રડે છે એ જેણે બતાવી વફાદારી નિભાવવામાં;
લાગે ના ઊંડા ઘાવ જ્યાં સુધી હૃદયમાં "વ્યોમ"
ત્યાં સુધી મોજ ના આવે કોઈ ગઝલ લખવામાં;
મોહ-માયા, દંભ-અહંકાર છોડી બાજુમાં "વ્યોમ"
મજા તો છે બધું ભૂલીને સબંધોને જાળવવામાં;
...© વિનોદ.મો.સોલંકી "વ્યોમ"
GETCO (GEB),
મુ. રાપર.
