હું પુરુષ!
હ્રદયનો કઠણ માણસ એટલે હું પુરુષ
જેને રડવાનો હક નથી મળ્યો એ વ્યક્તિ એટલે હું પુરુષ
રડતું બાળક જોઈ કાળજું કઠણ રાખું એ હું પુરુષ
દિકરીને સાસરે વળાવતા આંખમાંથી આંસું ન સરે એનું ધ્યાન
રાખવું પડે એ વ્યક્તિ એટલે હું પુરુષ
ઘરની જવાબદારીઓ ઉઠાવતા પોતાને ભૂલી જાઉં એ હું પુરુષ
ઘરનાં માટે તહેવારો અને પ્રસંગોએ નવા કપડાં લાવી પોતે કંઈ
પણ પહેરી લઉં તે હું પુરુષ
માનસિક તાણ વચ્ચે પણ ઘરમાં તો હસતો જ રહું એ હું પુરુષ
મુશ્કેલી ઘરથી દૂર રાખી શકું તે હું પુરુષ
પોતાના ઘરનાં જ પ્રસંગોમાં કામ માટે દોડતો રહું એ હું પુરુષ
ફોટામાં હાજર પણ વિધિમાં ગેરહાજર એ હું પુરુષ
બાળકને વાહન અપાવવા ચાલતો જાઉં એ હું પુરુષ
માતાનાં જેટલો જ વ્હાલ કરવા છતાં વ્હાલમાં જેની ઉણપ જ
દેખાય એ હું પુરુષ
ઘરનાં સભ્યોની માંદગીમાં પણ જે નફ્ફટ થઈને નોકરીએ જાય
એ હું પુરુષ
-Mrs. Snehal Rajan Jani
