રખેને તૂટવા માટે જ સરજાયું હશે હૃદય.
ને તૂટીને કેટકેટલું એ વલોપાયું હશે હૃદય.
શકેને અંતરે ઉત્પાતથી ધબકારા ચૂકનારું,
વણકહ્યું કેટલું એનામાં ધરબાયું હશે હૃદય.
ઊભરાય છે ચક્ષુઓનો લઈને સહારો વળી,
પોતાના જેવા ગણી એ ભરમાયું હશે હૃદય.
આમ તો વાસ એમાં પરમેશનો મનાય છે,
તોય પામી પીડા અસહ્ય ભરખાયું હશે હૃદય.
નથી વાચા એ જ મર્યાદા એની એને નડતી,
કોઈ સાચા પ્રેમીજનથી પરખાયું હશે હૃદય.
- ચૈતન્ય જોષી. ' દીપક ' પોરબંદર.
